كتاب اعرف حقك

اعرف حقك – كتاب لكل جزايري يحب يعيش بكرامة ويعرف واش ليه وواش عليه.

هاد الكتاب ماشي كتاب اكاديمي ولا معقد هو كتاب ماشي موجه للي قاري حقوق،
هو لأي واحد، كبير ولا صغير، راجل ولا مرا، يخدم ولا يقرى…
أي شخص حاب يفهم القضايا اليومية لي تقدر تصرا لاي واحد من الناس ، بطريقة بسيطة وبالدارجة، بلا مصطلحات معقدة ولا وجع راس.

🔹 فيه قضايا واقعية صارت في بلادنا، وحلول قانونية حقيقية من الواقع.
🔹 الهدف منو هو التوعية، باش ما يصرالكمش كيما صار لناس قبل منكم.
🔹 تقرا القصص، وتفهم المغزى، وتتعلم كيفاش تتفادى الوقوع في المشاكل.

🔸 كي تحب تتطلق، تعرف أنواع الطلاق وحقوق كل طرف.
🔸 كي تحب تتزوج، تعرف واش يقول القانون على الزواج والزوج المثالي.
🔸 كي يوقع مشكل حضانة ولا نفقة، تلقى الحلول القانونية.
🔸 كي تكون في ضيق ولا فقر، تعرف واش يضمنلك القانون من حقوق ومساعدات.
🔸 وكي واحد يصورك بلا إذنك، تعرف واش يدير القانون باش يحميك.

📖 كتاب «اعرف حقك» يجمع بين التوعية والواقع، فيه قصص، حلول، ومواقف حقيقية تعلمك تكون واعي بحقك قبل ما تقع في الخطأ.

💪 اعرف حقك… خاطر الوعي هو أول خطوة باش تحمي روحك وحقوقك.